უფასო სწავლა?!

მე თსუს სტუდენტი ვარ. ეს ავტომატურად ნიშნავს იმას რომ უნდა ვწუწუნებდე, ასეც მოვქცეულვარ არაერთხელ, თუმცა სამართლიანად.

მე ვარ ის სტუდენტი, რომელიც თვითთმართველობის წინააღმდეგ გამართულ აქციაში მონაწილეობდა;

მე ვარ ის სტუდენტი, რომელმაც თსუს სტუდენტების ცემის ფაქტი გააპროტესტა;

მე ვარ ის სტუდენტი რომელიც უნივერსიტეტის მოუწესრიგებელ სტრუქტურას აპროტესტებს;

მე ვარ ის სტუდენტი, რომელიც უნივერსიტეტში პირობების გაუმჯობესებას ითხოვს.

მაგრამ მე არასდროს გამიპროტესტებია სწავლის გადასახადის არსებობა არც თსუ-ში და არც რომელიმე უნივერსიტეტში. თუ იმას დავამატებ, რომ თავის დროზე 70%იანი გრანტი ავიღე, შესაძლოა იფიქროთ, რომ არაფერი მაწუხებს, წელიწადში  შვიდასი ლარის გადახდას ძალიან იოლად ვახერხებ და ამის გამო ვარ გულგრილი ამ საკითხის გამო, მაგრამ არც ასეა საქმე.  გადასახადი გადასახადია და ის ნაწილ-ნაწილ გადასახდელი 170 ლარი ყოველთვის ისეთ დროს მომისწრებს ხოლმე, როცა  ფულის არსებობის აღარც კი მჯერა.

თუმცა არსებობენ სტუდენტები, რომლებიც გამწარებით ითხოვენ სწავლის გადასახადის გაუქმებას და ამას რკინის არგუმენტით ამტკიცებენ: ჰო, ყველა სტუდენტს უნდა გააჩნდეს სწავლის საშუალება და ამისთვის სასურველია თუ სახელმწიფო სწავლის გადასახადს მოაშთობს. ჰო, აბა რა. ასეთ დროს, როგორც წესი, ევროპული მაგალითი მოყავთ ხოლმე, იქ ხომ არსებობენ უნივერსიტეტები, სადაც სტუდენტები გადასახადს არ იხდიან?! ჰო, არსებობენ, მაგრამ ის სტუდენტები ძალიან ყოჩაღები, ჭკვიანები, ნიჭიერები არიან და სათანადო გრანტებსაც ფლობენ სახელმწიფოსგან. ამიტომ თავისუფლდებიან გადასახადისგან. საქართველოში კი, როგორც წესი, ასეთი მოთხოვნებით ის სტუდენტები გამოდიან, აუდიტორიები თვალითაც რომ არ უნახავთ და გამოცდების შესატენი ადგილი აღარ დარჩენიათ. ნუ, ძალიან დიდი ნაწილი მაინც.

მოკლედ, ჩავთვალოთ რომ კარგი სწავლით გადასახადის პრობლემის მოგვარება ნაწილობრივ შეიძლება. თუ იესემში და მისთანებში ჩაბარება არ გინდა, რა თქმა უნდა, მაგრამ მას შემდეგ, რაც გარკვეულ ფაკულტეტებზე 100% დაფინანსების გარდა სხვა სახის დაფინანსებები მოიხსნა, ჩემს არგუმენტს წყალი შეუდგა, მაგრამ არსებობს ე.წ გონივრული მოთხოვნებიც, მაგალითად სწავლის გადასახადის შემცირება და არა სრულიად გაქრობა. სახელმწიფო, გაგიკვირდებათ და ზოგჯერ დათმობებზე მიდის ხოლმე. ადამიანებს, ამ შემთხვევაში სტუდენტებს რომ რეალური მოთხოვნები გააჩნდეთ, შესაძლოა რაღაც გამოსულიყო კიდეც. თუმცა აქციების და მით უმეტეს აქციებზე გამოტანილი ლოზუნგების და მოთხოვნების ერთსულოვნებით ვერ დავიკვეხნით რატომღაც.

ახლა ისევ ჩემი მოსაზრების განმტკიცებას დავუბრუნდები: რატომ არ უნდა იყოს უფასო სწავლა? უნივერსიტეტები არსებულ რაოდენობაზე ასჯერ მეტი იდიოტით გაივსება. დიახ, დიახ, უფასო დიპლომს დახამებული სტუდენტით. თანაც,  ცნობილი ფაქტია ადამიანებს ყველაფერი ძვირადღირებული გვიყვარს და მოგვწონს, აქ რატომ ვუშვებთ გამონაკლისს? თანაც ფაქტია, ძვირადღირებული უნივერსიტეტები სწავლის ხარისხით ბევრად აღემატებიან ხოლმე იაფფასიან და სკოლის შენობებში გახსნილ სასწავლებლებს. მოკლედ, მე არ მესმის, ხალხს როგორც უნდა ისე ატრაკებს. სწავლა უფასო, მანქანა კი ყველაზე ძვირადღირებული? თუ ხარისხი ფასშია, ლოგიკურად სწავლის ხარისხიც დაეცემა.

შესაძლოა ოდესმე სახელმწიფომ ჩაიდინოს სისულელე და სწავლის გადასახადი გააუქმოს, მანამდე კი გთავაზობთ გამოსავალს: საკუთარი თავებისთვის თავად იშრომეთ. სწავლის პარალელურად იმუშავეთ, რაც ოჯახის დანახარჯებს ოდნავ შეამსუბუქებს, იშრომეთ სტიპენდიების, გრანტების მოპოვებაზე, თორემ მე რა, იმ 170 ლარსად გადავიხდი როგორმე, წლევანდელი სემესტრის დასაფარად.

გსმენიათ რამე სარჩელზე?

თუ არ გსმენიათ, ახლავე მოგახსენებთ. სარჩელი, ეს არის ყველაზე ცივილური და გამართლებული საშუალება მოქმედებისა, მაშინ, როცა ვინმეს უფლებები ირღვევა.

ამ შემთხვევაში იმედის ეთერში გამოჭენებული “სატანისტებს”. როგორც აღმოჩნდა, ისინი სულაც არ ყოფილან კატისტყაოსნები და სისხლისმელები, შესაბამისად ვფიქრობ, ცილისწამება ტელევიზიიდან მშვენიერი საბაბია იმისთვის რომ დაზარალებულები ადგნენ და ბოლოსდაბოლოს უჩივლონ! მაგრამ რატომღაც არა. დავასკვენი რომ ადამიანებს სასამართლოების და მისთანების ისე ეშინიათ, ურჩევნიათ მთელმა ქვეყანამ იძალადოს, მაგრამ ამის მიზეზს ჯერჯერობით ვერ მივხვდი. ის მოსაზრება რომ ამით საქმე არ კეთდება, მოძველებულია ბატონებო! რატომ? იმიტომ რომ მითხარით თუნდაც ერთი შემთხვევა, როცა დაზარალებულების და აღშფოთებულების მიერ არჩეული გზით : აქციებით და მიტინგებით მოგვარებულიყოს საქმე. განა ამ გზით გეშველათ რამე?

რომელი ერთი მაგალითი გნებავთ? “ქალური ლოგიკა” დახურეთ? კიკვიძის ბაღი აჩეხვას გადაურჩა? (ამ უკანასკნელი შემთხვევის დროს აგრესიის ადრესატიც კი შეცდომით აირჩიეთ), ნაცემი სტუდენტების პრობლემები მოგვარდა?

არაფერი არ მოგვარებულა, სრულიად არაფერი, მეკი მაგალითების მოყვანა მეზარება, მგონი ისედაც ცხადია რომ რომელიმე შენობის და ბაღის წინ ცხვრებივით მიყრა ბევრი ვერაფერი სიკეთის მომტანია, დიდი დიდი რომელიმე აქტივისტი მაესტრომ ან ნეტგაზეთმა გამოაჭენოს ინტერვიუში და ამით იყოთ ბედნიერები, აქაოდა ჩვენი ხმა ერს და ბერს მივაწვდინეთო.

გეკითხებით მე თქვენ, დამაჯერებლად არ ჟღერს ჩემი სიტყვები? რატომაც არა? ჰოდა გაანძრიეთ ტრაკები და როცა თქვენზე ვინმე იძალადებს, განაცხადეთ ამის შესახებ იქ, სადაც საჭიროა და არა ქუჩაში. ქუჩაში თქვენ არავინ მოგისმენთ, რბილ სავარძლებში მოკალათდებიან, კაბინეტის ფარდებს ჩამოუშვენებ და თქვენს აღშფოთება ისევ უბრალო გამვლელების მხედველობის არეში მოხვდება, მეტი არაფერი. თუ რამეს მიაღწევთ, ეს ბოდიში იქნება კონკრეტულ ქმედებაზე, მერე და მერე ისევ გაგრძელდება უპრეცედენტო ყლეობები. რაც მთავარია, მარტო მე არ გამიჩნდება კითხვა, რატომ არ უჩივლეთ? რატომ არ სარგებლობთ ქვეყანაში არსებული გამჭვირვალე და წმიდათაწმინდა სასამართლოთი? ამას მოგახლიან პირში პასუხად და ძალიან მაინტერესებს რას ეტყვით? იმიტომ არ ვიჩივლეთ რომ აზრი არ აქვსო?! ამაზე პასუხი ალბათ გეცოდინებათ – “გეჩივლათ, რა იცი რა გამოვიდოდა-ო” მოგახსენებენ.

მოკლედ, იმის თქმა მინდა და იმიტომ ვშფოთავ, რომ მინდა ყველა დაზარალებული და თავგამოდებული აქტივისტი მიხვდეს, რომ აქციები არ არის გამოსავალი. როცა ვიღაც იარაღს გესვრის, გაყაჩაღებს, მიდიხარ და ფანჯრის წინ აქციებს უმართავ? დანაშაული დანაშაულია, რა სახისაც არ უნდა იყოს ეს !

ადექით და უჩივლეთ, როცა თვითმმართველობის ბობოლა წევრები გცემენ, ადექით და უჩივლეთ როცა იმედი თქვენს ფოტოებს გამოიყენებს უნებართვოდ, ადექით და უჩივლეთ! თუ პროტესტი გინდათ, მიმართეთ ყველაზე სერიოზულ ფორმას და მაინცდამაინც ვაფაით დაფარულ ტერიტორიაზე ნუ შეიკრიბებით ფოტოების გადასაღებად და მერე მათ ფეისბუქზე და სხვადასხვა სოციალურ ქსელებზე ასატვირთად! თქვენი საქციელი არ არის პროტესტის გამართლებული ფორმა, ეს უკვე სასაცილოა.

პატივისცემით, ანნა.